Русија склучи договор со Белорусија
Русија склучи договор со Белорусија за стационирање на тактичко нуклеарно оружје на нејзина територија, но нема да ги прекрши договорите за неширење, рече Владимир Путин.
Белорускиот претседател Александар Лукашенко одамна го покрена прашањето за стационирање на тактичко нуклеарно оружје во Белорусија, која граничи со Полска, изјави Путин за државната телевизија.
„И тука нема ништо необично: прво, Соединетите држави го прават тоа со децении“, рече тој. „Тие долго време го распоредуваат своето тактичко нуклеарно оружје на територијата на нивните сојузнички земји.
„Се договоривме дека ќе го сториме истото – без да ги прекршиме нашите обврски, НАГЛАСУВАМ, без да ги прекршиме нашите меѓународни обврски за неширење нуклеарно оружје“.
Русија ќе ја заврши изградбата на складиште за тактичко нуклеарно оружје во Белорусија до 1 јули, рече Путин, додавајќи дека Москва всушност нема да ја префрли контролата на оружјето на Минск.
Русија стационираше 10 авиони во Белорусија, способни да носат тактичко нуклеарно оружје, рече тој, додавајќи дека Москва веќе и префрлила на Белорусија голем број тактички ракетни системи Искандер кои можат да се користат за лансирање нуклеарно оружје.
Забрането е било какво превземање на материјали од порталот Misija24 доколку страната која ги превзема истите не поставува хиперлинк до изворот.
Главна цел на нашиот сајт е известување за случувањата во светот без поттикнување на омраза или заземање на страна. Мисија24 не поддржува војна или било каков вид на насилство!